Francis Quandt di Keuringslokaal:
ORANJESTAD (AAN) Den entrevista cu señor Francis Quandt, di Departamento di Inspeccion Tecnico (DTi), pa loke ta regarda Keuringslokaal encuanto keuring pa temporada di carnaval 2026, el a informa Matutino ultimo cu ultimo dia pa keur ta Diasabra 13 di December venidero cu ta un fecha special cu nan a habri. Dia 3 di Januari lo controla pa e prome tres eventonan.
Tur hende cu ta bay den carnaval por bin traha nan afspraak, y tene cuenta si cu e dia ey (13 di December) nan no ta traha cu caha, pues percura pa bin paga prome cue fecha aki, presenta cu nan registracion y seguro pa e ora ey traha e afspraak, pa nan por yuda nan keur e auto riba 13 di December.
Quandt a menciona cu e ultimo dos añanan e hendenan a cuminza cumpli cu e reglanan, aunke aki, aya tin cu ta faya cu cierto cosnan, pero en general nan ta cumpli cu e rekisitonan.
