ORANJESTAD (AAN): E siman aki a bin haya sa, cu un turista femenino cu gran parti di su bida a
bin pasa vakantie na Aruba pasobra e ta encanta e lama cu tin rond di e isla aki, a fayece na Merca, despues di un bataya largo contra malesa.
Tabata Dialuna cu a pasa, cu Royce Lynn Eckleberry a fayece, rondona pa su famia y amigonan. E tabatin 71 aña di edad.
El a bay laga su casa Randy Eckleberry cu kende e ta casa 50 aña, y su tres yiunan na West Virginia, y tambe nieto y nietanan. E tabata un nurse registra na diferente Hospital, incluyendo na Pittsburgh. Na aña 2016 el a baha cu pensioen.
Di hopi tempo Royce tabata gusta viahamento, y ta busca lugarnan cu ta situa cerca di lama. Y semper e ta planea pa un aña adelanta su vakantie, incluyendo Aruba pa asina goza di lama cu tin rond di e isla aki. Ora cu e no ta viahando, e tin hasta un piscina na su cas pa asina disfruta di awa y landa aden.
El a viaha numeroso biaha pa Aruba cu su casa y yiunan, y tambe a trece amigonan pa pasa vakantie cu ne.
Su funeral a tuma lugar Diaranson caba, y a pidi pa amigo y famianan pa envez di flor, nan haci donacion na un organizacion di Alzheimer.