ORANJESTAD (AAN): E ta wordo considera como un bishitante regular na Aruba. Pero Diasabra cu a pasa, el a fayece na su cas na Hampstead na New Hampshire na Merca cu edad di 82 aña di edad.
Nancy J. Bartlett den pasado tabata lider di Girl Scout, y tabata duna les di economia na scol. E tabata un dama di bon curazon y tabata yuda sirbi cuminda na alumnonan di un otro scol tambe.
E ta un decorador experto di bolo, y a comparti su talento na varios ocasion cu su famia y amigonan.
E tabata bisa semper, cu su viahenan pa pasa vacantie na Aruba tabata hopi special y el a goza hopi di nan. E gusta landa den lama, y a hasta siña su nietonan kico nifica e placer di bay scuba diving.
Su casa mes, John F. Bartlett a fayece na 2004, y un yiu homber di dje, David Bartlett a fayece na 2020.
Diabierna mainta lo tin un acto di despedida na Plaistow, New Hampshire, y su entiero lo bay ta merdia na santana na Hampstead.
