MEDELLIN: Riba Diaranson, autoridadnan na Medellin a confirma cu nan ta investigando e morto di un turista Mericano den e sector di Poblado.
Informacion ta mustra cu e turista a wordo identifica como Victor Manuel Lacaya, kende a ser haya sunu bao di awa den un jacuzzi. Ademas den e apartamento luhoso a bin haya tres persona mas for di tino.
Segun Inmigracion di Colombia, e turista Victor Manuel Lacaya a drenta Colombia riba Diabierna 17 di December.
E otro tres personanan, cu ta dos muher y un homber, a wordo transporta pa e.o. Clinica Las Americas, Clinica Las Vegas, y Clinica El Rosario pa ricibi atencion medico. Polis ainda no tin informacion clave kico exactamente a socede.
