ORANJESTAD (AAN): Siman pasa a bira conoci, cu un turista kende tabata encanta bishita Aruba hunto cu su casa, a fayece
Informe for di Baltimore ta indica cu Grant David Powers Madden di 39 aña di edad, procedente di e pueblo di Frederick na estado di Maryland, a fayece Diamars siman pasa na cas di su wela, rondona pa su famia. El a bay lagando su casa Karenina ‘Kay’ Anselmo, su mayornan, su ruman muher, su wela y welo, suegronan, swa, y cantidad di tanta, omo, y primo.
Grant a gradua na Wake Forest University cu un grado di Bachelor of Arts den ‘English’. El a gradua di George Washington University cu un grado di Juris Doctor. El a cuminza traha como Abogado, mientras cu keto bay e tabata atende Scol di Ley, trahando na un bufete di abogado na Washington, D.C.
Despues el a bay traha pa Gobierno Federal, laborando na Social Security Administration, y tambe US Department of Justice, Federal Bureau of Prisons. E tabata un persona hopi respeta y aprecia pa su coleganan.
Grant y su casa Kay tabata gusta viaha y bishita Aruba! Pesey trahadornan di Hotel y Horeca lo bay reconoce e cara aki.
Esey ta debi cu Grant gusta pasa tempo pafo di cas, y e ta stima di ta riba un beach, pero solamente e lugarnan unda tin santo fini y lama bunita. Pesey e tabata gusta bin Aruba.
E tabata gusta hike y tambe bay den kayak. Pero el a haya cancer y a lucha hopi contra dje. Finalmente e malesa a pone bay descansa.
Awe Diasabra 9 di Juli 2022 den oranan di atardi lo bay tin un ceremonia na Cas Funeraria na Frederick, Maryland. Diadomingo merdia lo bay tin e procesion for di e Funeraira te na Mount Olivet Cemetery unda e lo wordo dera.
