ORANJESTAD (AAN): El a yega di biaha pa hopi lugar na Merca, Europa, Israel, Zuidoost Asia, Africa y India.
Pero e tabata bisa tur hende semper, cu Aruba ta esun number uno pe. Pasobra e tabata gusta bin Aruba, pa sinta riba beach y bebe Piña Colada, y anochi bay hunga na mesa di craps den Casinonan na e isla.
Pero e noticia tristo a drenta cu Richard Alan Burke a fayece luna pasa na Hospital na Bridgeport, na estado di Connecticut na Merca, cu edad di 74 aña.
Den su hubentud e tabata un Sargento di US Army y a participa den e guera na Vietnam, unda el a wordo condecora pa su trabao di sargento, y a haya 4 Service Stars di brons. Ora e guera caba y el a bay bek su pais, el cuminsa traha y a bira Director di Network Services di AT&T pa 40 aña largo.
E tabata un persona activo cu ta gusta naturalesa, y a yega di subi varios top di sero na Merca, y tabata gusta ski for di e seronan aki. E gusta hunga futbol, toca guitara, y hunga wega di golf.
El a bay laga su casa Michele, tres yiu muher, y nietonan.
