ORANJESTAD (AAN): E pareha turista no ta mas na Aruba! Nan a regresa bek California y toch nan ta spera cu cualkier hende na Aruba por duna nan un yudanza.
Nan tabata riba Diadomingo 8 di Augustus na Baby Beach, e parti cu ta casi yega na Rum Reef, y e cabayero a perde su renchi di casamento. Esaki a socede ora cu e tabata snorkel.
E ta un Men’s Polished Platinum Comfort Fit Wedding Band cu stepped edges. E potret aki ta uno cu nan a saca dia cu nan a casa, 21 aña pasa.
Esnan cu por a haya e renchi, ta ser suplica pa yuda Stacey Brent recupera e renchi di su casa. Por check cu Aruba Tourism Authority cu por yuda nan haya e renchi bek.
