Dhr.Jayburtt Dijkhoff:
ORANJESTAD (AAN)—Mr. Dhr. Jayburtt Dijkhoff, den entrevista cu Matutino DIARIO, a expresa cu como un ciudadano preocupa e kier a dirigi algun palabra na pueblo di Aruba, tocante un carta habri cu el a entrega na Minister di Salubridad Publico, señora Mervin Wyatt-Ras.
Señor Jayburtt a expresa lo siguiente: “Rumannan di Aruba, nan a purba silencia nan. E cartel kier a kita mi afo, pasobra mi a purba yuda algun pashent den mi tempo liber. Pero mi no a bin aki pa defende mi mes, pasobra esaki no ta tocante mi persona, esaki ta tocante nos tur.
Tocante con nos sistema a bira asina corupto, y cu nos pueblo a sufri pa e motibo aki. Mi a perde mi tata demasiado trempan. Nos tin bon docter y nursenan na Aruba, pero e sistema tin hopi fayo. Tin un caso ta mustra con AZV no tin suficiente control, specialmente na Colombia, cu consecuencia cu nos ta perde hopi tempo precioso.
Tempo cu a costa su bida. Mi tata a bisa mi ‘no kere no’ papia e berdad. P’esey tambe mi a kita for di mi trabao. Mi no kier ta parti mas di e cartel. Mi a scoge pa papia y awo mi ta bisa, a yega tempo. Mi sa cu mi no ta mi so, abo tambe kizas a papia den storia di tempo perdi, moradanan di burocracia, di sernan keri neglisha. Tur hende por sinti e dolor, tur hende por mira e corupcion, y ainda pa hopi tempo nos ta keda keto, pa miedo, pa custumber, pa desesperacion.
Pero Aruba merece miho! Nos yiunan merece miho! Silencio solamente ta sigui alimenta e sistema. Su silencio ta costa bida. Esey ta e motibo pa cual mi a entrega un peticion a base di nos mesun leynan:
‘Landsverordening openbaarheid on bestuur’.
Tur ciudadano tin e derecho pa pidi transparencia di gobierno. Y mi ta pidi e transparencia ey aworaki mes riba maneho di nos salud. Esaki no ta politica, esaki ta dignidad humano, tocante nos tata, nos mama, nos yiunan…Mi no kier haci esaki so. Hunto, nos ta bira imparable. P’esey tambe mi ta lanza un curso cu yama ‘E Yabinan Di Poder’ pa tur persona cu ta forma parti di e movimento aki, si nan kier combati corupcion y contribui na un Sociedad mas husto.
Esnan cu por ta interesa por haya mas informacion riba www.JayburttDijkhoff.com
E curso lo wordo lanza dia 23 di September venidero”, dhr. Jayburtt Dijkhoff a señala.
