Pa winter venidero
ORANJESTAD (AAN): Informacion nobo ta mustra cu e islanan ABC sin kita sin pone ta popular bau di turistanan Hulandes. Esaki ta motibo pa TUI fly sigui inverti den vuelonan pa e teritorio di Caribe. E winter venidero mes, e aerolinea lo bula 14 biaha for di Schiphol pa e islanan ABC, dos biaha pa dia pa Curaçao, cinco biaha pa siman pa Bonaire y tres biaha pa siman pa Aruba.
Rick van der Pluijm, Head of TUI Dutch Caribbean aki a declara: “Ta tremendo cu nos tin dos vuelo pa dia pa Curaçao e winter aki. Hunto cu e vuelonan pa Aruba y Bonaire, esaki ta duna turistanan, pero tambe e hendenan na e islanan ABC, un gran variedad di vuelo di y pa Amsterdam, caminda lo bo por bula tambe pa tur e tres islanan sin stop. Mi ta sigur cu nos ta haci hopi hende contento”.
Cu 14 vuelo pa siman: E winter venidero, TUI lo bula dos biaha pa dia pa Curaçao, lo por bula tur dia sin stop, tanto pa ida y vuelta. Lo bula cinco biaha pa siman pa Bonaire e temporada di winter aki, tur dia di siman, cu excepcion di Diahuebs y Diadomingo.
E vuelonan ta planea di tal manera cu pasaheronan por bula tres biaha pa siman sin stop pa Bonaire y dos biaha pa siman sin stop pa Amsterdam. Lo bula Aruba tres biaha pa siman. Riba Dialuna, Diahuebs y Diadomingo y semper den combinashon cu Curaçao. Aki tambe por bula sin stop tanto riba e vuelo di ida y vuelta.
Crew di cabina amplia: Pa por realisa tur e vuelonan, TUI a rekluta 18 crew di cabina local nobo na Curaçao. Banda di Hulandes nan tur ta papia Papiamentu tambe. Cu e coleganan nobo aki, TUI tin awor un grupo di mas o menos 60 crew di cabina local cu por wordu usa spesialmente riba e ruta pa y for di e islanan ABC.
E vuelonan ta worde haci cu un Boeing 787 Dreamliner di TUI fly. Den e avion aki por reserva tres seccion diferente: Economy, Comfort y Deluxe. Entretanto mayoria acomodacion pa e temporada di winter ta disponibel pa compra. Y e luna aki e oferta pa zomer 2024 lo ta disponible. Tambe pasashinan los pa e periodo di winter ta disponibel caba pa cumpra.
