ORANJESTAD (AAN): E ex-Huis van Bewaring riba Avenida Milio Croes, ta funciona awor como Centro di Guarda Nos Costa (GNC)
unda ta procesa personanan indocumenta cu ta wardando momento pa nan wordo deporta for di e isla.
Pues en general, esnan cu ta den e centro aki no ta wordo considera como personanan peligroso.
Y den e anochi di Diaranson 19 di Juli pa Diahuebs 20 di Juli, tres di esnan indocumenta a logra di kibra parti di un muraya, pa asina haya acceso na nan libertad. Tur cos ta mustra cu ta den marduga a haci esaki.
Mainta ora e funcionarionan di GNC a bay pa check esnan cu ta wanta den e Centro, a bin descubri cu tin 3 di nan cu a desaparece. A pone superiornan na altura, y tambe a notifica Central di Polis. Aki ta bay analisa tur loke a socede, y mira si acaso fayo a wordo cometi durante control di henter marduga.
Oficialmente no a duna ningun detaye di esnan cu a huy, ni na nomber, edad, y tampoco nan nacionalidad.
