ORANJESTAD (AAN): E trahadornan di Aruba Ports Authority a vota, y a escoge pa Sindicato Federacion di Trahadornan Arubano (FTA) representa nan.
Esaki ta resultado di un Referendum cu e Sindicato mes a pidi.
Como 93% di e empleadonan a vota pa asina FTA bira nan representante legal den negociacionnan pa cu CAO nobo. Awor gerencia di APA NV sa cu ta cu lidernan di FTA tin di bay deal den esaki.
Pues ya e trahadornan di APA NV no ta cay mas bao di SEPPA, ni tampoco bao di Sindicato TOPA.
