Ex-parlamentario Raymond Kamperveen:
ORANJESTAD (AAN) – Den entrevista cu ex-parlamenario Raymond Kamperveen, cu tabata miembro di fraccion RAIZ, den entrevista cu DIARIO a duna di conoce cu tin un par di leynan cu mester a wordo trata, manera esun di minimumloon, pero a dicidi pa wanta e ley aki un rato pa e siguiente Parlamento por trat’e.
Esun di Geschillenregeling nan a trat’e como Parlamento #11, y nan a haya acuerdo di Curacao, Sint Maarten y Parlamento di Aruba y a mand’e pa gobierno di Aruba, pasobra, eigenlijk, gobierno di Aruba lo mester present’e via Minister Plenipotenciario di Aruba.
Kamperveen a declara cu e ta keda na gobierno si hacie of no, pero e ta asumi cu nan no a hacie pasobra nan ta pendiente di dje pasobra e ta hopi importante. El a agrega cu coleganan den e Comision di IPKO y e Tripartite a traha hopi duro riba dje pasobra e ta asina importante, y ta un di e prioridadnan cu mester wordo trata y tene cuenta cu ne den e siguiente Parlamento # 12.
E discusion cu tin awor ta ken ta bay entregue, si e Minister Plenipotenciario Demisionario of esun cu lo wordo nombra den e siguiente gobierno.
Kamperveen a señala cu otro prioridad ta e presupuesto 2025 cu awo lo mester wordo adapta pa e gobierno nobo, pasa door di dje y wak kico ta nan deseonan, kico ta nan plan di gobernacion, con nan ta bay adapt’e.
