Director di SVb tin fuerte indicacion cu:
ORANJESTAD (AAN) -- Director di SVb, Edwin Jacobs, a sigui splica, den entrevista cu DIARIO, cu aworaki, door cu e mercado laboral ta bao tension, tin personanan cu ta trahando cu un permiso di trabao, y pa DIMAS bo mester traha pa e compania di cual e persona a haya e permiso pa esaki.
“Pero na Horeca tin hopi hende ta traha part time, den dia e persona aki ta traha un caminda y di atardi/anochi e ta traha na otro caminda, y e sa cu si e wordo inscribi pa e otro compania eynan, DIMAS ta rechaza su peticion di permiso, anto e ta pone presion cerca e doño di trabao cu si e wordo inscribi e no por traha p’e”, Jacobs a comenta.
Edwin Jacobs a señala cu por wak e crecemento den turismo; e ta sigui aumenta y tin hopi demanda den e sector di Horeca y e doño di trabao tin biaha ta cumpli cu e peticion di e trahado di no wordo inscribi, pasobra e kier bende tambe.
“Dunadornan di trabao ta conciente cu nan mester inscribi e trahado, pero solamente cu aworaki e presion ta pone cu e trahado ta un tiki malcria. Pero tambe tin dunadornan di trabao cu ta lubida y proximamente nos ta sacando e boetnan pa inscripcion laat” Director di SVb, Edwin Jacobs a señala.
