Herrick Henriquez di ATIA
ORANJESTAD (AAN): Director di Aruba Trade & Industry Association (ATIA), Herrick Henriquez a remarca cu dentro di 3 luna un impuesto nobo lo drenta na vigor.
El a bisa cu ATIA kier cuminsa prepara e comerciantenan, nan miembronan y comunidad riba BBO ya cu tin hopi pregunta ainda riba e tema aki.
Segun Henriquez, tin incertidumbre cu ATIA kier clarificacion p'e y pesey a pidi un reunion cu Departamento di Impuesto.
El a agrega cu lo ta bon pa haya un 'draft' di e ley nobo pa asina laga expertonan pasa door di dje y prome cu implementa e ley pa sinta cu DIMP y bisa nan unda ta bay haya algun aspecto cu ta resalta, e director di ATIA a indica.
El a sigui bisa cu banda di esaki tin incertidumbre pa loke ta e companianan chikito VBA cu ta bay bek eenmanszaak y eynan tambe ta haya otro retonan pa e personanan pasobra tin companianan cu por ta no por carga e salario di usuario cu mester paga awor.
Riba esey ATIA kier sinta cu Departamento di Impuesto y bisa nan cu un VBA ta mas safe c'un eenmanszaak pasobra eynan ta bay haya 'issues' entre loonbelasting, winstbelasting, ya cu tur cos ta bay cambia eynan, a remarca.
Tin cambionan cu ta nifica bay atras na lugar di bay dilanti, e director di ATIA a señala.
