E temporada di horcan 2022 a inicia dia 1 di Juni. Nos isla Aruba a experencia diferente pasada di horcan.
E pasada di horcan mas biew documenta den historia di Aruba ta e horcan di 1876. Un ola tropical fuerte ta nace dia 29 di September 1876 net un tiki oost di Islanan Ariba.
E tempestad ta forma su mes den un horcan na e momento cu e ta yega oost di Bonaire y ta bira un horcan catergoria 1. E horcan no tabata tin nomber y ta di number 4 pa e temporada di aña 1876.
E horcan ta pasa west di Aruba y ta causa hopi daño na e algun casnan cu tabata tin na Aruba y hopi cabrito y carne a muri den durante e pasada di horcan. Aruba tabata e isla cu a keda mas afecta pa e horcan. A calcula e daño na 40 mil florin di e e tempo ey.
E Presidente di Venezuela e tempo ey a manda 100 baca, cabrito y carne, saconan di sucu, aroz, maishi, bonchi pa Aruba pa yuda habitantenan di Aruba.
Na 1883 un hoos grandi a haci destruccion na algun cas na Oranjestad. Gezaghebber Beaujon den su balentia a pidi su polisnan pa tira ariba e hoos pa asina plama e nubianan.
E dianan ey Aruba a haya un palo di awacero.
Compila pa Roberto Croes
Nos Historia Nos Herencia
