ORANJESTAD (AAN): Tabata Diahuebs 3 di Maart pa exactamente 11:54 pm, cu un temblor leve a wordo registra den area zuidoost di Aruba,
specificamente pariba di Peninsula di Paraguana na Venezuela.
E epicentro di e temblor a wordo localiza na 11.72º Nort, y 69.61º West. Esaki ta exactamente 82 km Zuid-Zuidoost di Baby Beach (Aruba). Esey ta igual tambe na 30 km panort di e costa di Coro (estado Falcon).
E temblor tabatin un magnitud di solamente 2.8º riba Scala di Richter, y e tabata na un profundidad di 5 km bao suelo di lama.
Te asina leu, na Aruba ningun hende a raporta cu nan a sinti esaki tampoco.
