ORANJESTAD (AAN): Entrante awe caba por inscribi pa cursonan cu Enseñanza pa Empleo Aruba ta ofrece.
Por haci esey na forma digital riba e website di: epearuba.com
Sabine de Groot-Kwartiermaker, a admiti cu e tarifa pa e cursonan aki di Enseñanza pa Empleo a subi un tiki, pero toch e cobranza aki a keda ‘hopi hopi social manera semper’.
E aumento no ta dje hopi ey, y ta na un nivel keto bay aceptable pa comunidad.
E cursonan lo cuminza oficialmente November, y tur curso lo dura entre 13 y 15 siman. Tin algun cu kizas ta bay tiki mas siman largo.
Importante ta pa compronde cu antes semper Enseñanza pa Empleo ta finaliza e cursonan prome cu fin di aña. Pero awor na 2022, como cu tabatin retrazo pa haya material, y e hecho cu ta bay start e segundo tanda aki te na November... esey nifica automaticamente cu e cursonan lo sigui te comienzo di otro aña.
Lo no duna curso den temporada di Pasco, pero tene na cuenta cu den Januari lo bay tin curso, y den luna di Februari tambe lo tin esey.
Deadline pa inscripcion lo bay ta te Diabierna 7 di October 2022.
