Director Sr. Lopez: *87% a logra nan diploma
ORANJESTAD (AAN): Recientemente a tuma lugar e ceremonia di graduacion di Colegio EPB, Unidad Economie y Techniek.
Director di Colegio EPB Oranjestad, Edwin Lopez a bisa cu den e prome tijdvak a gradua E&T tabata mas o menos 75% y den tweede tijdvak nan a yega 87%, locual ta un logro hopi grandi pa Colegio EPB.
E retonan tabata basta grandi door di e pandemia. E hobennan aki ta di e gruponan cu a cay atras durante Covid. Durante simannan largo nan no a haya les, pero asina mes, a logra y cu e empeño di e hobennan mes a logra un bon resultado, a señala.
El a gradici e mayornan cu a yuda e hobennan pa yega asina leu, pero specialmente e docentenan cu a traha hopi duro hunto cu e managernan pa asina por a yega na e resultado bunita aki.
Lopez a laga sa cu pa 2022-2023 ta bay cuminsa cu henter un trayectoria nobo den EPB cu ta bay pone cu mas hoben ta bay slaag y cu ta bay caba EPI riba niveau 3 y 4. Esey ta e intencion cu tin, a remarca.
Ta trahando hunto cu EPI pa asina mas hoben por yega na un nivel mas halto di educacion, e director di Colegio EPB Hato a duna di conoce.
