ORANJESTAD (AAN) – Minister di Husticia mr. Andin Bikker, a señala den conferencia di prensa, cu tur aña Aruba,
hunto cu tur otro pais rond mundo, ta wordo evalua pa Departamento di Estado di Merca, tocante combatimento di trafico humano.
Esaki ta keda un reto pa mantene e rating y por demostra esaki, y hopi biaha si un pais no subraya kico e ta haciendo, tin biaha nan ta ubica bo cu otro paisnan den Reino Hulandes unda cu bo mester diferencia bo mes.
Minister Bikker a conclui, gradiciendo cada un persona envolvi, cuminzando pa Minister Presidente Evelyn Wever Croes, señora Richardson-Baars, y señora Angela cu a dedica hopi na e tema menciona, y durante e lunanan y aña cu mr. Bikker ta Minister, por a pone Aruba na aña 2018 na prome lugar, pero despues, lamentablemente, Aruba mester a atende cu cierto otro interpretacionnan, tocante e nivel di castigonan. Esakinan awo a wordo adapta y e ta gradici pa e esfuerzonan continuo realiza, pa por hiba pais Aruba dilanti, y seguramente cu e film di concientizacion cu a wordo ehecuta, y e ta gradici tur esnan cu a haci posible pa e por a logre. Seguidamente y pa finaliza, e dignatario a invita tur persona presente pa wak e film.
