Opinion:
ORANJESTAD (AAN): Ta un realidad cu yenamento di e formulario pa “aangifte” di “inkomstenbelasting” ta algo sumamente difícil y complica.
GOBIERNO , MINISTER y DIMP mester haci lo maximo pa facilita e yenamento di e formulario di modo cu un persona por mantene su privacidad sin tin nodo di acudi cerca otro persona pa yena su formulario di “aangifte” di “inkomstenbelasting”.
Un sugerencia cu ta yuda ta:
- bin cu formulario , obligatorio y di igual texto, pa tur doño di trabou y otronan entrega e cifranan di aña necesario na cada persona na e mesun forma;
- e texto di e formulario cu cifranan di aña mester indica unda ( referiendo bou cua punto ) riba e formulario di “aangifte” di “inkomstenbelasting” un persona mester yena cada montante di e “jaaropgave”;
- pone “online” algun modelo/ehemplo ( cu cifranan di aña mas comun y usual ) con pa yena e formulario di “aangifte” di “inkomstenbelasting”.
Gobierno den cooperacion cu e companianan cu ta traha programanan di computer , di forma facil por logra facilita mayoria persona cu yenamento di “aangifte” di “inkomstenbelasting”, ora bin cu formularionan di cifranan di aña igual y cu indicacion unda pa yena e cifranan di aña riba e “aangifte” di “inkomstenbelasting”.
Mas importante tambe ta studia, reconsidera y haci e forma di cobra “inkomstenbelasting” mas simpel.
