ORANJESTAD (AAN): Como parti di proyecto RECIP IV, den fin di siman di 24 pa 26 di September lo tuma lugar,
trabaonan di adaptacion y instalacion di e sistema di proteccion cual ta forma parti di e sistema principal di distribucion di coriente.
Esaki ta necesario pa por acomoda dos “circuit breaker” cual ta forma parti di e planta di generacion di coriente nobo RECIP IV.
DIARIO a compronde cu ta bay instala sistema di proteccion riba e sistema di distribucion di coriente principal di 60 kV entre WEB Aruba NV y NV Elmar.
ontratista International Wärtsilä, ABB/Hitachi hunto cu tecniconan di WEB ta encarga pa e trabao tuma lugar na un manera safe y responsabel. Aunke no ta spera, mirando e magnitud y riesgonan envolvi cu e trabao, ta keda existi un posibilidad minimo cu por surgi interupcion di coriente.
Lo tuma tur precaucion y coordina e trabao di tal forma pa evita cualkier incidente of interupcion di coriente. E trabaonan a cuminza ayera Diabierna y ta plania pa termina diadomingo 26 di september.
WEB ta spera di por conta cu comprension di comunidad y di antemano ta ofrece disculpa pa posibel inconveniencia. E potret pa cortesia di WEB Aruba NV.
