ORANJESTAD (AAN): Unda e academico- y investigadonan di nos islanan ta? Esaki ta e pregunta principal di e proyecto Mapping the Caribbean Researchers,
un proyecto riba encargo Ministerio di Asuntonan Interno y Relacionnan den Reino (BZK).
Meta di e proyecto aki ta di identifica ken ta activo riba tereno di ciencia y investigacion riba e islanan ABCSSS (Aruba, Bonaire, Corsou, Sint Maarten, Sint Eustatius y Saba), tanto localmente como bibando den exterior.
Hopi studiante di nos region ta bai studia afo y despues ta forma un carera den mundo cientifico. Tin cu ta bolbe, y otro ta contribui for di exterior. Pero, ken nan ta? Ki specialisacion nan tin? Y con nan por yuda nos comunidad?
Pa investiga esaki, a desaroya un cuestionario online cortico. Si bo a caba di studia y awor ta traha riba tereno di investigacion – of si bo conoce hende cu ta haci esaki – por fabor participa. Bo tin yiu cu ta traha riba tereno di ciencia? Laga nan sa!
https://tinyurl.com/MappingCaribResearchers
Cu mas participante, nos lo por haya un bista mas cla di e comunidad academico Caribeño. E encuesta aki ta yuda pa ciencia por haya mas atencion riba nos islanan.
