ORANJESTAD (AAN): Awor parce cu tin un evidencia nobo den e caso di desaparicion di Natalee Holloway.
Esaki ta sosode casi diesiete aña despues cu Holloway a wordo mira pa ultimo bes aki na Aruba, durante su vacacion.
Si esey ta asina e caso lo por duna un buelta inespera.
Ta asina cu e abogado y periodista mericano Greta van Susteren, cu tin hopi aña investigando e caso, e ta asegura cu el a haya un prueba importante.
Locual el a haya ainda e no a revela. Natalee Holloway a disparce dia 30 di Mei 2005 mientras e tabata cu vakantie na Aruba. Despues di un esfuerzo grandi pa logra haya sa su paradero, nunca el a ser haya. Na prome instante el a wordo raporta como secuestra.
E hulandes Joran van der Sloot ta e ultimo persona cu ken a mira e hoben aki na Aruba, locual ta hacie e sospechoso principal di su desaparicion.
Mester por corda cu e caso aki a pone Aruba cu hopi mal nomber na nivel internacional te cu awendia y e efecto cu esaki a causa pa e turismo di e isla ta en enorme.
Van der Sloot mientras tanto ta sintando castigo na Peru pa e asesinato di Stephany Flores. El a wordo acusa na Merca di fraude telefonico y extorsion di informacion relaciona cu e paradero di Natalee Holloway.
E momento ey, Joran tabata tin 18 aña. Actualmente e tin 34. E ta registra como casa cu Leydi Figueroa for di 2014, cu ken e tin un yiu cu yama Dushy van der Sloot.
Actualmente e ta cera den e prison di alta seguridad di Challapalca na Peru. El a wordo condena na 28 aña di prison pa e caso di asesinato di Flores.
