ORANJESTAD (AAN): Un informacion suministra door di Lily Marlene Peterson, MA Museologia, ta sigur di hopi interes.
El a bisa cu 5.5 miyon Euro a worde poni disponibel na fundacionan y personanan priva pa proyecto na Aruba. Esaki ta un parti di e resultado di e pordon di Primier Mark Rutte pa e pasado di esclavitud trans-atlantico Hulandes cu a tuma luga na Aruba.
E fondo a worde regla den un argelo temporario gobernamental cu ta e: Tijdelijke regeling van de Staatssecretaris Koninkrijksrelaties en Digitalisering van 14 juni 2024 nr. 2024-0000349322, houdende subsidie maatschappelijke initiatieven trans-Atlantisch slavernij-verleden voor het Caribisch deel van het Koninkrijk.
E publicacion di e areglo a tuma luga dia 1 di juli 2024. Mas detaye por haya na e website aki:
Segun Lily Marlene Peterson, e metanan ta (y cu e ta interpreta y traduci) como lo siguiente: haya un miho comprenscion di e perseverancia di sclavitud den comunidad y combati e efecto negativo den presente; procesa e pasado di esclavitud; stimula e conocimento y concientisacion di e pasado di esclavitud; y reconoce y conmemora e pasado di esclavitud.
Subsidio ta worde duna di un suma di 10.000 Euro te cu 500.000 Euro cu ta depende si bo ta un persona priva of fundacion y e actividad organiza.
Inscription pa fondo ta tuma luga via di un formulario digital. E ministerio na Hulanda ta bay tene momentonan di informacion. Pa participa tuma contacto cu email:
This email address is being protected from spambots. You need JavaScript enabled to view it.
