Diabierna awor Aruba Doet ta cuminza
ORANJESTAD (AAN): Studiantenan di e programa Organization, Governance, and Management di Universidad di Aruba, FCCA y Aruba Doet ta den colaboracion pa crea un proyecto pa comunidad di Aruba.
Cu ayudo di e organizacionnan, e studiantenan di Universidad di Aruba lo organiza un evento di plantamento di mata y simia pa habitantenan di un bario di FCCA. Ta organiza e evento pa hisa calidad di bida di e habitantenan di e bario, stimula conexion entre e habitantenan, promove un bida mas saludabel y pa brinda nan matanan cu ta na beneficio pa nan salud. E evento aki lo tuma luga dia
11 y 12 di maart 2022 na un bario di FCCA.
Importancia y metanan di e proyecto: E importancia di e proyectonan di Aruba Doet, ta pa brinda ayudo na gruponan den comunidad di Aruba, pa asina hunto nos por hisa calidad di bida y stimula conexion cu otro. E proyecto di plantamento entre otro ta crea mas confianza y ta trece ambiente den e bario. E metanan di e proyecto aki ta pa stimula un bida mas saludabel, crea mas conexion entre e habitantenan di e bario y pa brinda nan cu matanan cu ta beneficia nan salud.
Buscando boluntario: Actualmente, Aruba Doet ta buscando boluntario pa tur su proyectonan. Si bo ta interesa pa participa subi e website di arubadoet.com y scoge y registra pa un di e 190 proyectonan. Haci bon y pasa bon.
