Francis Saladin di Comerciantenan Uni cu mensahe pa politiconan:
ORANJESTAD (AAN): E Vice-presidente di Comerciantenan Uni Aruba (CUA), señor Francis Saladin, a señala den entrevista cu DIARIO (tocante prijs halto di productonan na Aruba) cu e competencia entre comerciantenan t’asina fuerte cu si abo como comerciante no baha prijs, ta bon pasobra esey ta bo escogencia, pero si e otro ta baha prijs ora abo ta keda sin bende.
El a pone como ehemplo ora cu prijs di webo a subi drasticamente na Merca y otro paisnan (incluyendo Aruba) cu manera un a cuminza baha prijs otronan mester a haci tambe.
“Awo nos ta comunica cu otro via Social Media, anto, e redo di prijs unda e ta mas barata of no, ta core masha lihe mes. No ta manera antes cu bo no tabata sa, awendia e informacion ey ta obtenibel al instante. Nos a baha prijs di awa, nos por baha prijs di coriente, grondbelasting a wordo subi, nos por papia di yen di cos na unda cu gobierno ta subi prijs; gobierno si ta subi prijs, pasobra eseynan no ta algo cu nos ta importa. Awa nos ta produci akinan.
Grondbelasting no ta algo cu ta wordo importa, pero nos ta subi’e. Anto, pakico no alivia pueblo cu e parti di cuminda? Stop di tilda y pone pueblo contra comerciantenan pa bo voto; presenta bo idea como politiconan drechi, gana bo votonan drechi, stop di instiga pueblo contra e comerciantenan.
