ORANJESTAD (AAN): Riba Diadomingo por a nota cu visibilidad tabata bastante limita riba Aruba.
Di leu bo ta mira lugarnan manera nan ta ‘tras di neblina’.
Esaki ta mas bien e area di stof procedente di Sahara, cu a bin limita bista den region. Segun e pronostico, e stof aki lo sigui awe tambe, pero despues gradualmente e area di stof lo bandona region di Islanan ABC, y e forma ey lo mehora visibilidad riba e islanan.
Biento tambe lo cuminza supla basta fuerte, y esaki ta ocasiona door di extension di e area di presion halto riba Norte Atlantico. Lama lo ta bruto awe, y principalmente na costa panort e lo ta pio, debi na labadera.
