Preocupacion bou di trahadonan di SVGA pa cu e indexering ta soluciona
*Entrante juli 2024
ORANJESTAD (AAN): Stichting voor Verstandelijk Gehandicapten Aruba (SVGA) a duna di conoce pa medio di un comunicado di prensa cu e preocupacion bou di trahadonan di SVGA pa cu e indexering ta soluciona.
Diabierna siman pasa Minister a confirma, durante un reunion cu algun fundacion, cu e peticion di SVGA pa pidi extra subsidie pa paga indexering na trahadonan ta corecto.
Minister lo duna opdracht na Directie Financien pa paga SVGA e suma necesario extra pa 2024 pa cubri e gastonan di 6 procent indexering.
Ademas Minister a declara cu pa 2025 lo pone suficiente fondo disponibel riba begroting di Pais Aruba pa paga e indexering di 5.7 procent na januari 2025. Logicamente ta falta ainda e aprobacion di Parlamento di e begroting di Pais Aruba 2025.
Algun di e clientenan a keda un rato sin haya cuido diahuebs mainta siman pasa door di e protesta di algun trahado. SVGA ta lamenta cu mester a yega asina leu cu clientenan y nan mayornan a sali perhudica.
