PHILIPSBURG: E parkeo ilegal di vehiculonan na Philipsburg na St. Maarten, ta un dolor di cabez pa hopi tempo caba. Varios Gobierno a purba na resolve, pero no a logra.
Pero recientemente Ministro di Husticia di St. Maarten, esta Anna Richardson a firma un Decreto Ministerial pa autoriza instalacion di borchi di prohibicion den henter ciudad. Esaki lo bay ta e prome fase di e trayectoria di Gobierno pa recorda automobilistanan ta cual lugar ta prohibi pa staciona, e.o. riba aceranan.
Den e Decreto Ministerial a inclui tambe recomendacionnan di Ombudsman relaciona cu e regla di takel auto door di Polis di e isla. Esaki ta inclui un plan di parkeo pa Philipsburg, reglanan amplio pa cu takel auto, introduccion di un regla pa permiso di parkeo, y cambio di reglanan di trafico.
