ORANJESTAD (AAN): Varios pais den region a tuma nota cu Gobierno di Aruba a baha prijs di gasolin na un forma drastico e siman aki.
Mesora esaki a pone ciudadanonan di otro pais puntra nan mes, di con nan isla no por baha prijs ainda?
A bin haya sa cu por ehemplo, prijs di gasolin na St. Maarten por baha, solamente despues cu e cargamento nobo yega cu tankero na e isla.
Esey ta loke Ministro interino di Asuntonan Economico, Omar Ottley a bisa durante reunion di Conseho di Ministro na Philipsburg, St. Maarten. Esey como contesta riba un pregunta encuanto e hecho cu prijs di gasolin ta bahando rond mundo, pero no na St. Maarten.
El a bisa cu prijs di gasolin lo baha ora cu e wholesaler principal na e isla ricibi cargamento nobo. Esey ta e forma cu e kier splica esaki lo mas simple posible. El a splica cu si por ehemplo den stock bo tin 100 galon di gasolin y ta poni na cierto prijs, ora bo ricibi e stock nobo, esey ta ora cu e cambio por bay wordo introduci,.
El a bisa cu durante lockdown na 2020, hopi hende no tabata move den auto y esey a pone cu prijs di gasolin a tuma hopi mas tempo pa baha.
Pero el a agrega cu cambio den prijs di gasolin na St. Maarten lo por wordo spera dentro di e simannan venidero.
