ORANJESTAD (AAN): Esnan cu ta pasando den area di Surfside na Playa, por a nota cu e conocido ‘Splash Park Aruba’ ya no ta existi mas!
E tambe a bira victima di e pandemia di Covid-19 cu a afecta comercio grandemente.
E parke aki tabata unico cu obstaculonan yena cu aire cu bo ta bons riba nan y pasa momentonan divertido cu bo famia. Pero ya caba tur cos a wordo kita. Y por mira cu awor ta e parti cu ta consisti di e Pier tambe ta ser desmantela.
E impacto di e pandemia riba negoshinan chikito tabata grandi na Aruba! Ora cu e pandemia a wordo anuncia mes, tabatin algun doño di restaurant cu a djis entrega yabi di e negoshi na e doño di edificio pa mustra cu nan no por sigui mas.
Tabatin estudio haci internacionalmente riba e fenomeno aki, y a bin haya sa cu hopi negoshi chikito tabata fragil finacnieramente, y e impacto cu Covid-19 a trece cune a pone cu no tabatin salida. Specialmente esnan envolvi den mundo di horeca cu pa varios luna no a mira ningun turista pone pia den nan negoshi.
