ORANJESTAD (AAN): Un di e weganan di mas popular di Lotto keto bay ta Zodiac. Aki bo ta escoge un number consistiendo di cuatro cifra, y bo ta agrega un signo zodiacal y ya bo ta den wega.
Esey ta loke Sonia a haci tambe, pues el a cumpra su numbernan di suerte y a bira feliz cu el a gana.
Pesey riba Dialuna el a acudi na oficina di Lotto na Playa pa reclama su premio. Aki nan a revisa su ticket pa check si el a pone su firma y su numbernan di banco na e parti patras. Ora cu a scan e barcode di e ticket, e computer a confirma cu Sonia a gana 12.500 Florin cu wega di Zodiac.
Mesora a cuminza cu e proceso pa transferi e premio electronicamente pa su cuenta di banco. Sonia a splica cu e ticket ganador el a cumpra na Lucky Numbers na Playa.
