ORANJESTAD (AAN): Bo yiu mester di ayudo pa siña e lenguahe Hulandes?
Mayornan cu ta interesa pa nan yiunan domina Hulandes, por inscribi pa e programa di “Prisma” na SKOA.
Si bo yiu tin 8 aña di edad y mester ayudo pa siña domina e lenguahe Hulandes? Esaki ta un señal pa inscribi pa Prisma. E ta un programa di 1 aña cu ta enfoca ariba siña lesa y papia e idioma Hulandes pa asina prepara nos muchanan mas miho posibel pa nan por integra den scol regular exitosamente. Prisma ta un programa cu ta motiva no solamente e desaroyo academico di cada mucha pero alavez ta yuda cu nan desaroyo social y emocional cu ta hopi importante pa nan crecemento y desaroyo en general.
Con pa inscribi pa Prisma: Por aplica via website www.skoa.aw pa asina inscribi completamente online. Bay riba e website y click ariba inschrijven y despues scoge pa Prisma. Di eynan mester sigui e instruccionnan ariba e website pa completa e aplicacion di cada mucha.
Si tin duda con pa inscribi via nos website por pasa libremente na nos oficina di SKOA situa na Copernicusstraat 11, Aruba durante orario di oficina entre 8:00 am pa 12:00 pm, y di 2:00 pm pa 4:00 pm.
