SKOA ta sigui brinda oportunidad pa mayornan inscribi nan yiu(nan)

ORANJESTAD (AAN): SKOA tin su aplicacion habri ainda pa tur mayor cu ta interesa den inscribi nan yiu(nan) na un scol cu ta resorta bou di SKOA.

Educacion ta e yabi pa un bon futuro y e scoge e scol corecto pa bo yiu(nan) ta hopi importante. 

Kico ta e beneficionan cu SKOA ta ofrece?

            SKOA ta e organisacion di educacion mas grandi na Aruba y ta ofrece educacion di calidad halto cu un curiculo completo cu ta enfoca ariba e desaroyo y crecemento di cada alumno y studiante. SKOA ta enfatisa balornan Catolico, comunicacion na nivel multilingual, diversidad, innovacion y actividadnan extra-curicular.

            Como mayor bo por ta sigura cu bo yiu(nan) lo ricibi un educacion completo na SKOA. Si bo kier pa bo yiu experiencia un forma diferente pa siña y descubri su potencial aplica na SKOA! 

Awo por aplica digitalmente:

            Por aplica via website www.skoa.aw pa asina inscribi completamente online. Por aplica via email na This email address is being protected from spambots. You need JavaScript enabled to view it.. Por aplica via WhatsApp na +297 748 5995 y sigui e pasonan pa completa e aplicacion. Ora di aplica mester pone bon atencion ariba e documentonan necesario pa asina por cumpli cu e proceso di inscripcion di cada yiu exitosamente.

            Pa mayornan cu ya caba tin yiu inscribi na un scol di SKOA por haci aplicacion di e yiu cu ta bay cuminsa basis via nan sistema di SAS.

{gallery}SKOA ta sigui brinda oportunidad pa mayornan inscribi nan yiu(nan){/gallery}