Defensa militar y economico di Aruba mester ta topico principal
*Na vispera di su cumpleaños Rey a presenta preparacion Reino pa guera
*Planificacion mester encera e bienestar di Arubiano na zona di peliger
ORANJESTAD (AAN) — Te awor tur advertencia cu DIARIO a lanza riba tereno local y internacional, a resulta di tabata basa riba realidadnan cu tabata, ta of cualkier momento por presenta nan mes na mundo.
DIARIO, haciendo uzo di su canalnan internacional, a prepara Aruba pa e situacionna un mundo, cu hasta directamente despues di pandemia na 2021, a cumninsa papia di peligro di un guera mundial a base di e crecemento di conflictonan mundial.
Despues di e pandemia e loke a haya mas atencion, a bira e armamento nobo di mundo den un situacion di tension creciente na tur parti di mundo.
Normal e yegada di Dia di Rey, ta transforma fin di April den un explosion di alegria.
Na 2025, e declaracion di Rey cu a bira e noticia mas impactante, ta su pensamento cu Reino mester arma su mes debidamente, den e situacion mundial cu a presenta.
E palabranan di Rey a sostene informacionnan serio cu ta alcansa DIARIO continuamente y cu DIARIO ta discuti en extenso cu su contactonan internacional.
Aruba sigur mester ta prepara pa tur suceso debi na e forma cu Aruba ta depende den tur sentido di su relacionnan den Reino y den exterior, pa e por prepara su mes pa sucesonan dilanti di porta pero hasta atende cu e impactonan cu nan por tin.
Manera DIARIO a splica su lectornan, tur relacionnan mundial normal ta parce di ta desaparece mientras cada pais segun su necesidad ta busca aliansa riba tur tereno, sigur economico y di defensa, cu otro pais.
Mundo ta en espera otro siman di cifranan nobo cu mester splica cuanto placa ya na 2025 a wordo hinca dor di cada pais den armamento, cu awor ta wordo acelera y ta wordo considera como prioridad na tur pais.
Segun informantenan e momento a yega pa Pueblo di Aruba wordo debidamente informa di plannan di emergencia, pa confronta un situacion mundial asina peligroso cu hasta Rey cu no ta atende directamente cu asunto di armamento, a mustra cu Hulanda mester conoce un armamento pa por enfrenta e situacion actual,
Informantenan awor ta pone enfasis riba un punto cu DIARIO a presenta, cu ta e hecho cu ora papia di asuntonan militar na Aruba, ta papia di e realidad cu Defensa di Reino ta encarga cu e proteccion di Aruba riba tur tereno.
Con amplio esaki ta, a bini dilanti den otro otro Arubianonan cu ta parti di e aparato militar di Reino y cu por wordo uza directamente den situacionnan di confrontacion cu ya ta presente.
Cifranan oficial di DIARIO riba armamento di paisnan na nivel mundial, ta indica cu for di 2024 e gastonan di Reino den asuntonan militar a aumenta di 16.6 Biyon pa 23.6 Biyon.
E ta den linea di cifranan di otro paisnan rond mundo cu DIARIO ta vigila y cu lo wordo adapta otro siman cu cifranan nobo.
E placa aki ta wordo kita for di otro gastonan.
Informantenan ta indica cu ta un exigencia awor pa Aruba mes presenta su fondo di emergencia, cu ta bay mas leu cu por ehempel un fondo di emergencia pa temporada di horcan.
Ya e situacion mundial tin impacto riba produccion y prijs di produccion di articulonan cu Aruba lo mester importa pa prepara su mes pa cualkier problema, cu ni sikiera por ta directamente asocia cu Aruba.
Informantenan ta mustra cu Aruba mester cuminsa prepara un plan pa Arubianonan cu kier bolbe nan pais si e situacion intensifica na Hulanda cu ta economisa entre otro cu su gastonan riba tereno social tambe.
Cu e situacion mundial ta den un situacion serio, a bini dilanti ayera den declaracionan cu ta wordo haci a base di iniciativanan di Mark Rutte, ex Prome Ministro Hulandes y awor Secretario General di NATO, cu a papia di sumanan enorme cu mester sigui hinca den armamento actual.
Manera informantenan a trece dilanti, e siman aki Hulanda a mustra cu Aruba tin un responsabilidad propio y esaki pa informantenan ta nifica cu awor Aruba mester cuminsa institui e fondo di emergencia.
Ta e hecho cu Aruba tabata tin debe y no fondo di emergencia a haci cu Aruba mester a depende completamente di Reino pa atende cu Covid-19 y e situacion economico mundial cu casi a bira recesion na 2022.
E crisis mundial a bati na porta. Un crisis mundial marca pa incertidumbre total y cu ta depende di un solo accion inespera cu resultadonan serio.
Pueblo di Aruba mester wordo bon prepara y mester yega na awor na e fondo di emergencia pa confronta e situacion mundial serio!
Rey Willem Alexander, cu no ta mete sin mas den asuntonan militar, a lansa un advertencia serio, cu Aruba tambe mester tene na cuenta ta opinion di expertonan clave cu ta asisti DIARIO den informacion pa Pueblo di Aruba!
