Gina Maduro a relata:
ORANJESTAD (AAN) – Den entrevista cu Presidente di Sindicato ABV, Gina Maduro, el a declara cu na mitad di Maart ultimo, e sindicato a cuminza cu e proceso di “pensioen onderhandeling” cu ImSan, cual a keda cla dia 1 di Augustus 2022, y di aki a cuminza di biaha cu esun di Hospital.
Esaki pasobra ABV ta bay cuminza cu e CAO onderhandeling y aunke e pensioen vigente ta termina te 31 di December 2022, nan a cuminza strategicamente pa rond af esaki na tempo y diaranzon ultimo el a wordo firma, pero e ta drenta na vigor entrante 1 di Januari 2023, cu un validez di cinco aña.
Gina Maduro a agrega cu esaki ta un pensioen unda cu tin mehoracion compara cu locual e tabata, e ta mas flexible, e miembro participante, e asegurado, por pone mas acerca locual cu ta y tin hopi punto mas, cu ta hopi extenso. Maduro a señala cu pa hospital Garden Groep a sali e miho y pa ImSan Ennia a resulta miho. El a keda firma pa doño di trabao y e compania di seguro. Pronto lo tin un sesion pa splica kico e ta nifica pa cada persona, individualmente.
Gina Maduro a reitera cu pensioen ta un contrato cu tin un validez di cinco aña y den pasado a pensioen a keda atrasa pa hopi tempo, pasobra e no tabata wordo negocia. Cada cinco aña mester forma un Pensioen Commissie, consistiendo di sindicato, dunador di trabao y bao guia di un actuaries.
Pero si e contrato ta wordo extende cada cinco aña sin negoci’e, e trahador no ta haya un mehoracion den su contrato di pensioen.
“Esey ta locual e ultimo añanan ta pasando na Hospital: cu a forma Pensioen Commissie, cu ta negocia pa mehora e pension y ora ta negocia CAO, bo ta tira mey porciento na prima di e dunador di trabao, pa e pensioen. Awo nos a yega 15%, por fin e aña aki”, Gina Maduro a splica.
