ORANJESTAD (AAN): Yamadanan di reclamo a drenta, pa indica cu siman pasa e truck di Serlimar a keda sin pasa den un sector na Paradera.
Esey nifica cu e habitantenan aki a pasa henter fin di siman cu nan toter (baki) di sushi yen-yen y no tin lugar mas pa pone sushi. No a compronde tampoco di con e truck no a pasa riba Diahuebs, y tampoco no a pasa despues riba Diabierna.
E speranza tey cu ainda por manda un ploeg pa recoge tur e bakinan di sushi cu ta yenando te basha over awe Dialuna mes, pa por duna e habitantenan tiki trankilidad.
