ORANJESTAD (AAN): E siman aki a inicia cu un tempo basta scur, cu awacero pisa y tormenta electrico.
Esaki ta debi na un onda tropical cu a yega na e region dialuna mainta.
Parce cu e situacion di tempo aki ta bay keda activo den e region durante su caminda pa e banda west y por spera cu ainda te diaranson e islanan ABC lo por ta sintiendo e efectonan di e onda tropical aki. Pa diahuebs y diabierna ta spera miho condicion di tempo.
Stof di Sahara tambe lo ta menos, pero pa diahuebs otro capa fini di stof lo ta drentando den e region.
Dialuna por a mira nubianan scur ariba Aruba acompaña di algun awacero na diferente sector di e isla.
Lo ta aconsehabel pa den e dianan aki cana cu bo paraplu.
{gallery}Siman a habri cu awacero pisa, tormenta electrico y nubianan scur{/gallery}
