ORANJESTAD (AAN): Otro siman, Examen final ta bay start na Aruba pa tur scol di MAVO, HAVO, y VWO.
Pero recien DIARIO a tuma nota di un honor special di Juliana School MAVO dedica na un alumno femenino di Examenklas, cu den e periodo 3 di Examen recien, a logra un bon punto.
Ta trata aki di Silvia Tromp, kende a haci su SE-3 recien, y pa esaki el a obtene un puntuacion di 9,1 pa vak di Scheikunde. E bon punto aki pa les di quimica, lo bay dune un ventaha grandi pa e cifra final di su Examen.
Tambe na Juliana School a menciona 4 studiante mas cu a logra bon punto, esta Jaythan Dovale y Gilmard Jansen unda ambos a haya cijfer di 8,9. Tambe tin Sarah Booi y Valentina Pinzone, unda ambos a haya cijfer di 8,7.
Di awor caba DIARIO ta desea nan tur clase di exito pa e examen final cu ta start otro siman.
