Cultura den Medicina --- Siguiendo cu e relato di dr. Carlos Eduardo Cohen, Ciruhano Maxilofacial di Policlinica Metropolitana,
den e Revista Medicina Metropolitana, e ta sigui conta cu despues cu Sigmund Freud a wordo opera, den oranan di anochi el a sufri un hemoragia profundo, na unda el a wordo opera. Su compañero di camber, un homber hopi chikito di estatura pero hopi balente, a core pafo di e habitacion pa duna alerta na e ekipo di enfermeria.
Tambe a contacta Freud su famia, cu a yega ora cu e enfermeranan a controla e sangramento di e pashent. Ora Freud su yiu muher a yega na e clinica di dr. Hajek a haya su tata sinta riba un stoel di cushina, ainda sin bin bij por completo y cu su paña empapa den sanger.
Freud su ciruhano no kier a bin atende cune, y a bin wak’e te su dia siguiente cu varios studiante di Medicina. El a examina Freud y a bise cu e por bay cas, despues di a haci tur areglo pa e pashent ricibi bestraling. E informe patologico a bin bek cu e diagnostico di carcinoma di boca. E patologo Jacob Erdheim, Profesor na Universidad di Viena, a realiza tur e siguiente informenan patologico di Freud, y a discuti e relacion di e hayazgonan presenta pa e pashent cu e humamento y a exhorta Freud laga e habito di humamento. Su docternan Deutch y Hajek a nenga papia cu Freud tocante e resultadonan, posiblemente pasobra nan a teme cu esaki lo por a stimula su idea suicida.
Freud a haya 25 operacion di e carcinoma di boca, pero na final a perde e bataya. Ya e humamento a haci den dje un daño ireversible. Den otro articulonan, lo sigui elabora tocante Freud su calvario, cu kizas ta e mesun di hopi otro humado compulsivo.
