Hefe di Departamento di Ambulans:
ORANJESTAD (AAN): Cifranan importante cu hefe di Departamento di Ambulans, Liberato Hoek a comparti ta cu mayoria melding cu nan ta haya cu mucha di entre 0 cu 4 aña ta pa motibo di problema respiratorio.
El a splica cu practicamente 15 % di e yamadanan. Diescinco por ta por mustra tiki, pero pa un isla chikito ta hopi.
Pesey Departamento di Ambulans ta haci un yamada na comunidad pa ora di yama 911, purba yama mas lihe cu ta posibel, duna e informacion corecto pa motibo cu e minuutnan y secondenan ta conta.
Den e caso di Baby Noah, e post di Ambulans ta 2 minuut leu for di e sitio y nan ta kere cu si e yamada a wordo haci na tempo, por a yuda e baby y tin un resultado positivo.
El a enfatisa cu ta importante pa scol, crèche, unda cu ta traha cu mucha pa train riba e parti aki pasobra no sa ki dia algo ta bay sosode y por sosode te hasta na cas y no na scol so.
Na ImSan tin un departamento di training. Ta duna diferente training riba cuido medico y ta wordo duna door di profesionalnan medico, Hoek a indica.
