DVG cu recordatorio:
ORANJESTAD (AAN): Dienst Besmettelijke Ziekte (DBZ) di Departamento di Salud Publico no ta encarga unicamente cu vacuna di COVID pero tambe vacunanan manera Gele Koorts, Meningitis, Hepatitis y mas. Na momento cu un persona ta bay di viahe sea pa motibo medico, studia of vakantie ta hopi importante pa confirma hopi tempran si bo pais di destinacion ta exigi uno of mas vacuna pa por drenta e pais.
Na e momentonan aki Dienst Besmettelijke Ziekte (DBZ) ta confrontando e situacion di personanan cu 1 of 2 dia prome cu nan viahe ta yama por vacuna. Esaki ta trece stagnacion den e servicio y e viahero lo no ta proteha den e prome dianan di su viahe.
Tur vacuna ta rekeri un averahe di 10 dia despues di a wordo aplica pa e por duna e proteccion nesesario. Pa e motibo aki cu ta recomenda tur persona cu ta pensa di bay viaha den e siguiente siman of lunanan y mester vacuna pa drenta su desitinacion pa haci un cita 3 siman prome cu viaha preferible na This email address is being protected from spambots. You need JavaScript enabled to view it. of yama na 522-4239 of 522-4241.
Pashentnan di AZV cu ta en espera di aprobacion pa biaha y cu lo mester vacuna pa viaha, nos ta recomendanan pa no warda te ora cu nan haya aprobacion pero cuminsa cu e proseso pa solicita un cita pa vacuna mesora.
Pa bay Colombia e vacuna rekeri ta Gele Koorts y e vacuna aki ta un solo dosis cu ta dura pa bida largo. Si ta bai den region di Amazonia ta rekeri mas vacuna. Dus busca bo vacuna tempran
Pa sa cua vacuna cada apis ta rekeri, por consulta e siguiente websitenan https://lcr.nl/
https://wwwnc.cdc.gov/travel/destinations/list
