Omaira Britten tocante caso La Linda:
ORANJESTAD (AAN) – Omaira Britten, den conferencia di prensa Diabierna, a amplia mas tocante e Caso La Linda y kico tin aworaki.
Britten a bisa cu Diahuebs, el a haya varios yamada cu e miembro di prensa a core bay duna e Curator Jeannot de Cuba, cu ta contra esnan cu ta bringando e caso, un invitacion cu nan no a manda p’e, pa e haci su casonan diabolico.
“Pasobra nos tin entendi cu aki na Aruba, e ex- Huez Noordhuizen ta manipula tur e hueznan akinan. Tres abogado ta bin bisa mi. Mi a bisa nan pa bay declara esey dilanti Corte, cu e huez aki ta influencia e otro hueznan pa e gana e caso”, Omaira Britten a señala y a manda un mensahe pa e ex-Huez J. Willem Noordhuizen, esey ta cu e no ta Arubiano y cu Aruba ta un pais democratico y ta bise pa e coi su cosnan y bay for di Aruba; e ta Hulandes. Aruba ta un pais cu ta wordo respeta bao di Hulanda y te dia di awe, Hulanda no a haci nada pa Aruba. Britten a reitera cu miho Noordhuizen bay for di Aruba pasobra si no e lo confronta cu hopi problema ora nan hiba e Caso na Corte di Nacionnan Uni.
“Diahuebs atardi, banda di 4 or Jeanot de Cuba ta shut masha hopi email pa nos, siendo cu e por a manda e casonan aki prome, y awe nos a presenta 9.30 sabiendo cu tin un rueda di prensa. E ta spanta pasobra e sa kico ta sper’e” Britten a bisa.
El a agrega cu Jeannot de Cuba ta menaza y exigi e herederonan pa renuncia na nan herencia, di loke tabata di nan tata. Asina Britten a sigui duna un relato amplio y complica unda a mustra su desacuerdo cu Hulanda ta nombra pa Aruba tur sorto di Huez, y ta puntra di con Aruba no por tin su propio Hueznan y su mesun Curators.
El a subraya cu el a wordo amenaza y cu si algo pasa su persona of un di nan, Jeannot y Noordhuizen ta culpable.
