Kier encurasha mas cliente di Kibrahacha pa join:
ORANJESTAD (AAN) – Señor Marlon Pieters, miembro di Club Kibrahacha, tabata presente den e conferencia di prensa hunto cu Renato y Jacky van Putten, di Club Roy 50 plus, den cual a elabora tocante un areglo di cooperacion entre ambos club.
Marlon Pieters a duna di conoce cu e ta “bus driver” di Club Kibrahacha ya pa un aña y mey caba, despues cu el a wordo acerca door di Jeffrey Matos algun tempo atras.
Marlon a tende di Club Roy aña pasa, y su intencion tabata pa bay cerca Renato y Jacky pero e no a yega nunca, te awor cu Club Kibrahacha a bise cu nan ta bay cera un convenio cu Club Roy 50 plus.
“Aworaki si, Marlon Pieters tey pero mi trabao tambe ta pa wak si mi por haya otro hendenan di Centro Kibrahacha, pa bin hunto cu mi. E intencion ta, eigenlijk, pa esnan cu ta interesa pa bin Club Roy, lo mester yega na Centro Kibrahacha y di eynan nos ta sali “x” ora pa nos yega eynan”, Pieters a señala.
El a agrega cu e movecion aki e tin un luna caba ta hacie despues di casi seis luna sin haci algo, te cu Jacky a pone den e “trip deal” aki, y el a bisa cu aunke e ta duro, ta bal la pena.
“Mi ta encurasha tur hende 50 plus of mas, y menos tambe si nan kier bin, pa bin. Mi kier duna un danki masha grandi na Renato cu Jacky cu ta duna nos, di Centro Kibrahacha, e oportunidad aki pa nos haci uso di nan facilidad aki”, Marlon Pieters a señala.
