Director, Haime Croes:
ORANJESTAD (AAN): Haime Croes, Director di Departamento di Infrastructura y Planeamento (DIP) a bisa cu nan ta den un proceso for di basta tempo caba di reorganisacion total di e aparato publico, specialmente riba e aspecto di Landspakket. Tin varios tarea cu nan a haya cu tin cu haci.
Segun Croes, tin un deficit basta grandi di hende. DIP ta un di e oficinanan sigur cu tin falta di personal. Asina mes nan ta dispuesto pa haci mas mihor pa ta posibel.
Un di e aspectonan cu nan a haci ta e 'departamento comercial' cu a haya su evaluacion. Awor tin tur cos bao control pa loke ta trata hendenan cu a inscribi pa 'optie'. A duna varios caba y e ta bayendo segun e exigencianan cu DIP ta pidi a base di e maneho di 2018, a bisa.
Ta pidiendo rekisitonan cu ta importante pa bin na remarca pa haya un 'optie' y DIP ta pone esaki den cuadro di e ROPV tambe, Croes a señala.
Aworaki ta hayando diferente persona cu ta pidi opcion y si nan ta cumpli segun e rekisitonan nan ta haya. DIP ta sali for di e aspecto di sectornan prometedor. Si ta wak bek den añanan anterior tur cos ta mesun cos y a duna asina hopi y na final niun no a logra. Cu esaki a crea un Aruba unda hopi hende a haya tereno cu no ta cumpli creando speculacion riba mercado y cu ta haya hopi bendemento di tereno, a splica.
Haime Croes a sigui bisa cu DIP ta andando segun e maneho. Aworaki ta bayendo bon y kisas 'slow', pero tur hende ta yega na nan tereno.
El a agrega cu tin hende cu kier traha e mesun cos di semper. Tin hende cu kier sigui traha hotel, mientras cu tin un par cu kier sigui traha oficina. Tur esey ta importante pa wak. DIP tin un maneho bon cla, structura hunto cu Directie Economische Zaken cual ta esun prioridad pa e sectornan prometedor.
