Na Aruba e lo ta bishitando Archivo Nacional
ORANJESTAD (AAN): Alexander van Huffelen, Secretaria di Estado pa Relacionnan den Reino y Digitalisacion for di 20 te cu 25 di november ta bishita Sint Maarten, Corsou, Aruba y Boneiro. Secretaria di Estado ta papia cu mandatarionan y ta bishita proyectonan.
Asina e ta bishita e National Recovery Program Bureau y e ta laga informa su mes over di e topico di landfill/sitio pa deposita sushi na Sint Maarten.
Na Corsou Secretaria di Estado ta papia cu representantenan di Climate Change Platform (Plataforma cambio di clima) i Profound, un organisacion Caribense relativamente jong den sector di IT. Tambe tin un encuentro cu Caribbean Research and Management of Biodiversity (Carmabi) riba programa y e ta hiba combersacion tocante e desaroyo di agricultura inovativo.
Na Corsou tambe representantenan di e paisnan y otro islanan den e parti Caribense di Reino ta bini hunto pa hunto cu Secretaria di Estado bai den combersacion tocante e historia di esclavitud. Nan ta papia e ora ey entre otro over di con pa duna contenido na e aña conmemorativo di esclavitud den 2023.
Secretaria di Estado na Aruba ta bishita e Archivo Nacional Aruba (ANA). E biahe ta clausura na Boneiro, caminda secretaria di estado entre otro lo bishita esnan perhudica dor di e molester di awa recien y lo haya splicacion di e situacion di e damnan.
