ORANJESTAD (AAN): Reverendo Pastoor Jozef Pelc y Reverendo Diacono Michael Nicolaas di Parokia Birgen di Fatima Dakota hunto
cu grupo di nobena San Miguel Arcangel ta invita tur deboto, parokiano y pueblo di Aruba na un Santo Sacrificio di Misa Solem diaranson 29 di September 2021 pa 8’or di mainta pa celebra fiesta di Arcangelnan Miguel, Gabriel y Rafael na misa Birgen di Fatima na Dakota.
Riba e dia aki nos ta conmemora tambe e di 100 aña di existencia di Congregacion San Miguel Arcangel for di cual 5 di nos Pastornan Polaco a ordena. Pastoor Stanislaw di Oranjestad, Pastoor Santiago di Noord, Pastoor Jan di Tanki Leendert, Pastoor Jozef di Dakota y Pader Daniel Szpila di Noord. Tur lo ta presente pa celebra e Misa Solem aki.
Exodo 23; 20-23:
“ Señor ta bisa: Mi ta manda un angel boso dilanti pa e proteha boso na caminda y hiba boso e luga, cu Mi a prepara pa boso. Percura tende di dje.
No lanta contra dje, pasobra e lo no pordona boso rebeldia. Den dje MI mes ta presente. Ma si boso tende bon di dje y haci tur loke Mi bisa, lo Mi ta enemigo di boso enemigonan y adversario di boso adversarionan.”
