*Te mañan por cumpra carchi 30% mas barata via Pay.aw
ORANJESTAD (AAN)— Hefe Marketing na SETAR NV, Roxanne Ras den un entrevista cu DIARIO, a expresa cu e ta hopi contento cu SETAR NV, un bez mas ta forma parti di Soul Beach Aruba, cual ta un evento cu ta trece hopi bishitante pa Aruba, hopi turista, y eventonan asina semper ta importante pa e compania, pa forma parti di dje.
Roxanne a splica cu e manera con SETAR ta coopera cu e evento aki ta cu telecomunicacion durante tur e conciertonan y fiesta cu tin den Soul Beach. El a agrega cu pa hopi tempo Setar tin e module cu ta “events” unda hopi evento local ya caba tas usando Pay.aw pa nan manera di bende carchi, y desde aña pasa Soul Beach Aruba a test’e y el a gust’e asina hopi cu e aña aki nan a acerca nan, pa e carchinan di Soul Beach por ta obtenible via pay.aw tambe.
“Esaki a haci cu e persona cu tin un ticket cumpra via pay.aw no tin cu para den rij largo manera cu ticket normal. Pa e dianan cu ta bin te Diahuebs awo, tin un prijs special cu ta 30% mas batata cu e ticket normal di Soul Beach”, Roxanne Ras a menciona.
