ORANJESTAD (AAN): Ta conoci cu Rotary Club of Aruba, ta un organizacion dedica na bienestar y prosperidad riba e comunidad di Aruba,
ban tuma un momento pa remarca su trayecto importante den e ultimo 85 aña.
Desde dia di su fundacion na Augustus 1938, Rotary Club of Aruba a reuni varios persona di diferente descendencia hunto, cu ta representa diferente ocupacion, negoshi y industria. E hende hombernan y hende muhernan dedica aki a reuni tur siman fortalizando un comprension mas profundo di e principio di Rotary y extendiendo ayudo na cualquier cu mester di esaki.
Loke a cuminsa cu un par di pioneronan a crece gradualmente durante e añanan a pesar di cierto retonan pa bira un organizacion stabil y vast cu participacion di 40 pa 50 miembro devoto.
Durante e periodo di 85 aña Rotary Club of Aruba a haci mas cu 4400 reunion y a apoya activamente varios casonan di caridad y organizacionan. Rotary Club of Aruba su meta principal: “Pa transforma Aruba de un lugar mas miho, mas dushi pa tur hende den nos comunidad, via servicio y comprenshon”.
Rotary Club of Aruba ta extende un gradicimento na e comunidad Rubiano en general y en particular negoshinan Rubiano pa nan apoyo y colaboracion, tambe ta aprecia e aceptashon di e comunidad y nan esfuerzo y e oportunidadnan pa sirbi.
Mientras e Organizacion ta mira atras na su trayectoria nan ta keda dedica na nan mission di servicio y ta emocina pa continua nan trabau pa mehoracion di e futuro di Aruba y su Hendenan.
