ORANJESTAD(AAN): Museo Arqueologico Nacional Aruba y Fundacion Kapel di Bethania a tene un conferencia di prensa Diabierna pa haci un invitacion na bario di Noord
y pueblo di Aruba e general pa un evento special planea pa celebracion di Aña di Rey, cu ta bay ta riba Diaranzon dia 27 di April.
E actividad ta bay tuma lugar na Klooster di Kinderhuis Imeldahof , di 10’or di mainta te cu 2’or di atardi.
“Nos ta invita grandi y chikito pa bin pasa un dia great y un dia den esfera familiar “.
Ta bay tin weganan tradicional, hisamento di fli, tocamento di caha di orgel, dushi sopi di fundacion di Kapel di Bethania y snacks crioyo di scouting San Dominico.
Esaki segun Marguerita Wever di Museo Arqueologico.
El a splica tambe cu ta bay tin dos workshop creativo di artistanan local y hopi mas actividad.
Wever a indica cu e exposicion Caribbean Ties di Museo y e exposicion di Parokia di Noord ta bay ta habri tambe.
Entrada ta bay ta gratis.
